HTML waa af astaamayneed (Markup Language) lagu sameeyo document-yada website-yada. Waxaa lagu sameeyaa waxkasta oo uu website-ku ka koobmaa — hadday ahaan lahayd isku-xireyaal (link-yo), qoraallo, jadwallo, sawirro iyo wixii la halmaala.
HTML waa mid aad u fudud barashadiisu. Qof walba wuxuu awood u yeelan karaa in uu koodka HTML-ka akhristo oo fahmo.
HTML waxay u taagan tahay Hyper Text Markup Language
Unugyada HTML
Unugyada HTML-ku waa ereyo gaagaaban oo ay ku hareeraysanyihiin bilo xagaleedyo < >.
Xukunno muhiim ah:
- Unugyada HTML badanaa waxay yimaadaan iyaga oo lammaanayaal ah — billaaw iyo dhammaad:
<h1>Cinwaanka</h1>- Unugga hore waxaa loogu yeeraa unugga billaawga (opening tag).
- Unugga dambe waxaa loogu yeeraa unugga xiridda (closing tag) — wuxuu wataa
/ka hor magaciisa. - Waxaa kaloo jira unugyo maran oo billaaw keliya leh, sida
<br>iyo<hr>.
Web Browsers
Browser-radu (Chrome, Firefox, Opera, Safari) shaqadoodu waa in ay soo muujiyaan document-ga HTML-ka ah.
Browser-radu ma soo muujiyaan magacyada unugyada — waxay u adeegsadaan si ay u ogaadaan sida ay document-ga u soo muujinayaan.
Unugyada Lammaan iyo Unugyada Maran
Dhammaan unugyada HTML-ku waxay u qeybsamaan labo nooc:
1. Unugyo lammaan — leh billaaw iyo dhammaad:
<html>……</html>
<h1>……</h1>
<p>……</p>2. Unugyo maran — leh billaaw keliya, isla markaan ku dhammaanaya halka ay ka billawdeen:
<br>
<hr>
<img><!DOCTYPE html>
<!DOCTYPE html>- Waa in ay ahaataa waxa ugu horreeya ee document-ga, ka hor unugga
<html>. - Ma aha unug HTML — waa farriin loogu sheegayo browser-ka version-ka HTML-ka uu document-gu ku qoran yahay.
- Waxay caddaynaysaa in document-gu yahay HTML5 — version-kii u dambeeyey HTML-ka.
- Haddaad far yaryar ku qorto
<!doctype html>wax khalad ah kuma leh.
Qaab-dhismeedka Document-ga HTML
Document-ka HTML-ku wuxuu leeyahay saddex unug oo aasaasi ah oo lagama maarmin:
<!DOCTYPE html>
<html>
<head>
<title>Tijaabo</title>
</head>
<body>
<h1>HTML</h1>
<p>Ku baro afkaaga hooyo</p>
</body>
</html>| Unugga | Shaqadiisa |
|---|---|
<!DOCTYPE html> | Wuxuu sheegaa version-ka HTML — HTML5 |
<html> | Wuxuu haya dhammaan unugyada kale |
<head> | Xogta ku saabsan document-ga — lama arko website-ka |
<body> | Waxa kasoo muuqanaya website-ka dhexdiisa |
Koobid
- HTML waa Markup Language — ma aha programming language.
- Unugyadu waxay yimaadaan iyaga oo lammaanayaal ah (billaaw + dhammaad), qaarkoodna waa maran (billaaw keliya).
<!DOCTYPE html>waa in uu ahaadaa xarafka ugu horreeya document-ga.- Waxa adeegsaduhu arko oo dhan waxaa ku jira
<body>...</body>dhexdooda.
Casharka xigta: Waxaan qori doonaa boggaagayaga HTML-ka ugu horreeya oo aan ku furno browser-ka.